موقع نور الحق الاسلامى

موقع نور الحق الاسلامى

)- - *** ♥ (¸.·'´ (¸منتديات كنوز وفوائد منتدى اسلامى ,ترفيهى ,تعليمى)- - *** ♥ (¸.·'´ (¸.
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخولأذاعة القرآن الكريماوقات الصلاة
أهـــلاً وســهــلاً °•. أكتب بالنور على شاشة ذاكرتي بعضاً من مقتطفاتي لآضعها على صفحات اروع فأنقش على جدرانها وعلى جدارن الزمن الماضي و الحاضر ترحيبي بكم وأنتم في الدرب الطويل ما أسعد منتديات نور الحق الاسلامى بحضورك ومن يرغب و يري في نفسه انه اهل للاشرف علي احد اقسام المنتدي فليتفضل وليتابع معي اختكم عذرا يادنيا الجنة تنادينى وارسال رسالة خاصة لى على منتديانا الغالى منتدى نورالحق الاسلامى

شاطر | 
 

 عايزة تريحى بالك فى الحظات الاخيرة للولادة؟؟؟؟؟؟؟؟؟؟؟؟

اذهب الى الأسفل 
كاتب الموضوعرسالة
عذرا يادنيا الجنه تنادينى
إدارة الموقع
المديرة العام

إدارة الموقع المديرة العام
avatar

المزاج : عادى
عدد المساهمات : 226
تاريخ التسجيل : 21/08/2011
العمل/الترفيه : ادارة الموقع

مُساهمةموضوع: عايزة تريحى بالك فى الحظات الاخيرة للولادة؟؟؟؟؟؟؟؟؟؟؟؟   السبت أغسطس 27, 2011 12:50 am


انا عاوزه انصحكم شويه نصائح بأذن الله تعالى هتنفعكم ممكن تلاقى حد يقولها ليكى وممكن لا
انا هعمل الموضوع على اساس نقاط ربنا يوفقنى فى تجميعها
بدايه من الشهر السابع الام هتخلى بالها من الاتى
1_تحضر الحلمه للرضاعه وده هتلاقوه فى موضوعى الحلمه وتشققاتها
2_تخلى بالك من اكلك تحاولى تاكلى المفيد من بروتينات وخضروات والبان وفاكهه والمكسرات وخصوصا عين الجمل بيزود من ذكاء البيبى بمشيئه الرحمن وتحاولى تقللى من الدهون لان عدد الخلايا الدهنيه بتتحدد خلال الفتره من الشهر7 من الحمل الى الشهر التاسع اساسا وممكن تزيد بنسبه بسيطه خلال سنتين الرضاعه بس زياده ما بتبقاش كبيره اوى لو الطفل بيرضع طبيعى
لان التخن بعد كده ما بيبقاش بسبب كتر الخلايا الدهنيه بل فى زياده حجمها فلو كان عددها قليل الانسان مش هيتخن جامد بعد كده الا لو طبعا فيه اسباب مرضيه زى اختلال وظائف الغدد او ما شابه لكن مش هيبقى باذن الله من الاكل لوحده يارب اكون عرفت اوصل المعلومه
3_تحضرى شنطه البيبى تحسبا لاى طارئ لا سمح الله ويكون فيها على الاقل 3 من ملابسك و3 من ملابس البيبى والتمر
الشهر الثامن زى السابع
الشهر التاسع هنعمل ايه
1_لما تروحى لدكتور او دكتوره النساء اللى هتولدك تطلبى منها طلبين (ده طبعا لو هتولدى طبيعى)
1*تكون الخياطه تجميليه لانهم ساعات بيقفلو اى كلام ومع الاسف القفله الغير تجميليه بتوجع جدا بعد الولاده
2*تقفل فتحه الشرج ساعه الولاده علشان ما تنزلشى البواسير خلال الولاده
2_خلال الشهر التاسع هتبدأى تتمشى واخر اسبوع هيكون كل يوم وتعملى قرفصاء كتير لان دول بيقو العضلات ويخلو البيبى يعشق فى الحوض بمشيئه الله لكن فيه اطفال بتطلع وتنزل عادى وما بيعشقوش الا ساعه طلق الولاده بس اكيد الرياضه هتفيدك
3*هتتدربى على تمارين التنفس اللى هتعمليها خلال الولاده
4*هتقرى ادعيه وقران تسهيل الولاده
5*ياريت ما حدش ياخد الاعشاب اللى بتسرع الولاده لان ضررها اكتر من نفعها هو كفايه التمر فقط
الحمد لله ولدتى بالسلامه
بالنسبه للبيبى
طبيب الاطفال فى الغالب هيمر عليكى هيكتب
قطره للعين لمده 3 ايام
اوتروفين بيبى سلاين نقط لانفه
وهيقولك على طريقه الرضاعه ازاى
وفيه منهم بيكتبو من الاول سايميثيكون نص قطاره قبل كل رضعه وانا من هؤلاء
وبالنسبه للغيار انا بفضل الفازلين اقوى عازل للبلل مع كل غيار من الاول مش تستنى لما يلتهب لان وقت الالتهاب لازم علاج والفازلين وقايه مش علاج وطبعا مش هفكركم ان لو حدثت الالتهابات فده بياخد وقت طويل فى العلاج فمن الاول تحرصوا على نظافه ونشفان الجزء السفلى للبيبى ودهنه خفيفه من الفازلين على كل جزء هتكفى بمشيئه الله
بالنسبه للحبل السرى احسن طريقه لتنظيفه تبلى قطنه بالسبرتو وتعصريها على كل جزء من السره المتصل بيها الحبل السرى مش مجرد مسحه وخلاص اوك
بالنسبه لسيادتك
هتاكلى تمر كتير وتشربى لبن كتير علشان الرضاعه
بالنسبه للجرح هيكون تنظيفه بالميه الدافيه وبيتادين المخصص للمهبل وبعد ما تتشطفى بالماء المضاف ليه البيتادين هترجعى تانى تسقسقى على كل الجرح تانى بالبيتادين وهومش مؤلم على فكره وبتعملى حركه السقسقه دى مرتين على الاقل فى اليوم وغالبا هتستعينى بشخص اخر علشان يكون شايف كويس الجرح لكن التشطيف بالماء والبيتادين هيبقى بعد كل مره تدخلى فيها الحمام
وياريت لو تجيبى عوامه او المخده الدائريه علشان تقعدى عليها هتريحك اوى

ده اللى انا فاكراه حاليا ولو افتكرت حاجه زياده هبقى ازودها ويارب تستفادو يارب

_________________

كفاني فخرا" أن تكون لي ربا وكفاني عزا" أن أكون لك عبدا ""

أنت كما أريد...فاجعلني ربي كما تريد

اللهم...كما صنت وجهي من السجود لغيرك

فصن وجهي عن مساءلة غيرك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://rehabquran.own0.com
ربيع العمر
عضو مميزة
عضو مميزة
avatar

عدد المساهمات : 548
تاريخ التسجيل : 22/08/2011

مُساهمةموضوع: رد: عايزة تريحى بالك فى الحظات الاخيرة للولادة؟؟؟؟؟؟؟؟؟؟؟؟   السبت أغسطس 27, 2011 5:19 pm

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عايزة تريحى بالك فى الحظات الاخيرة للولادة؟؟؟؟؟؟؟؟؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع نور الحق الاسلامى :: الاسرة المسلمه :: حواء-
انتقل الى: