[img]
[/img]
حد يقوللى ايه الجديد فيه اقوله طبعا فيه مفتاح اتحكم فيه في درجة الحرارة وكمان فيه وردة مفرغة بيتحط فيها الاعشاب و كمان فيه كوب لوضع الماء في الجهاز ده غير التصميم الجديد الانيق ونخش علي نصائح استعمال الجهاز
عاوزيين نعرف دلوقتى طريقه استخدام جهاز البخار دا ازاى
كلنا لما بنيجي ننضف بشرتنا بنعمل الاتى
بتغسلي وشك وبعدين بالتونر والاسكرب وتغسليه بميه الورد
وتقفى عند حمام البخار او تقعدى زى ما انتى عايزة هههههههههه
اللى انتى كدا عملتيه فل اوى
بس انتى كدا نضفتى الطبقه الخارجيه للبشرة
عارفه اكنك عامله زى ايه
واحده صحيت من النوم وهاتنزل غسلت وشها وحطيت ميكب
بس مغلتش سنانها
بالظبط كدا اللى احنا بنعمله
فائده البخار بقى انه بيفتح المسام وبيتوغل داخل بشرتك
دا كفايه انك بعديه بكل سهوله هاتشيلي البثور السودا
والبشرة الشابة المتألقة هي البشرة النظيفة. وتنظيف البشرة بالغسول او التونر او حتى سكراب أو كريمات التقشير لا يتوغل داخل المسام بالدرجة الى تخليها تجدد نفسها ولكن حمامات البخار تساعدك في ان بشرتك تبقى بشرة متألقة أكثر شبابا في البيت من غير ماتروحى للكوافير واللى هايكلفك كتير موووووووت باستخدام نفس جهاز البخار
هاتملى المكان المخصص فى الجهاز بشوية ميه وتحطى فيهم العشب المناسب لبشرتك ونوعها
زى اللافندر وعرق السوس والبابونج حلوين جدا للبشرة الحساسه
وهاتستنى شوية لغايه مالبخار يتصاعد
وهاتلفي شعرك بفوطة كويس
وهاتى فوطة كبيرة اوى غطى بيها راسك والجهاز مع بعض اكنك عامله خيمة كدا
عشان تحافظى عالبخار ميطلعش برا
وبعدين استنى 10 دقايق او ربع ساعه حسب ماتستحملى
ارفعى الفوطة ولو فيه بثور سوداء انزعيها وبعدين اغسلي وشك بميه باردة جدا عشان تقفل مسام الجلد بعد البخار
ومن الاحسن انك تجيبي تلجه وتمرريها على وشك
وبعدين تكملى خطوات تنظيف بشرتك العاديه
السعر
90 جنيه
الأحد سبتمبر 25, 2011 7:12 pm
